उद्या अंबाजोगाईत ताई महोत्सव.
पाच दिवस मोफत मोतीबिंदू शस्त्रक्रिया शिबीर
अंबाजोगाई/दिलीप कांबळे
केज विधानसभा मतदारसंघाला विकासाच्या प्रवाहात आणून तळ हाताप्रमाणे सांभाळले अशा ताई आणि आई म्हणून ओळखले जाणाऱ्या दिवंगत डॉ. सौ. विमलताई मुंदडा यांच्या जयंती निमित्त ताई महोत्सव अंतर्गत मोफत मोतीबिंदू शस्त्रक्रिया शिबीर आयोजित करण्यात आले आहे. हे शिबीर उद्या रविवार (दि.१०) सुरु होणार असून गुरुवार (दि. १४) पर्यंत सुरू राहणार आहे.असे पाच दिवस चालणाऱ्या या शिबिराचा गरजू रुग्णांनी लाभ घ्यावा असे आवाहन आ. नमिता मुंदडा यांनी केले आहे. स्व.डॉ. सौ. विमलताई मुंदडा यांच्या जयंती निमित्त वसुंधरा सेवा प्रतिष्ठाण, रोटरी क्लब ऑफ अंबाजोगाई सिटी व स्वामी रामानंद तीर्थ वैद्यकिय रुग्णालय आणि स्व.डॉ. सौ. विमलताई मुंदडा वृध्दत्व व मानसिक आजार केंद्र, लोखंडी सावरगाव ता. अंबाजोगाई यांच्या संयुक्त विद्यमाने मोफत मोतीबिंदू शस्त्रक्रिया शिबीर आयोजित करण्यात आले आहे.
