“लोकशाही बचावासाठी खासदार रजनीताईंची आक्रमक हाक”

मत चोरीविरोधी आंदोलनात खासदार रजनीताई पाटील आक्रमक!

लोकशाही व संविधान रक्षणासाठी ठाम भूमिका.

केज/सचिन भालेराव

लोकशाहीचे रक्षण आणि मत चोरी रोखण्यासाठी राजधानीत इंडिया आघाडीच्या वतीने भव्य आंदोलन झाले. या आंदोलनात काँग्रेसच्या राज्यसभा खासदार, संसदरत्न खा. रजनीताई पाटील यांनी आक्रमक भूमिका घेत लक्ष वेधले.

निवडणूक आयोगाच्या एकतर्फी भूमिकेविरोधात राहुल गांधी, प्रियंका गांधी यांच्या खांद्याला खांदा लावून पाटील आंदोलनात सहभागी झाल्या. पोलिसांनी बॅरिकेट लावून मार्ग रोखला तरी, महिला खासदार असूनही त्यांनी बॅरिकेट ढकलून पुढे जाण्याचा प्रयत्न केला. त्यावेळी त्यांना व इतर खासदारांना ताब्यात घेण्यात आले.

आंदोलनात मतमोजणीत पारदर्शकता, EVM+VVPAT ची अनिवार्य पडताळणी आणि मतदार याद्यांतील फेरफार थांबवणे या प्रमुख मागण्या मांडण्यात आल्या.

“ही लढाई राजकीय नाही, तर लोकशाही, संविधान आणि ‘एक व्यक्ती – एक मत’ या हक्काच्या संरक्षणाची आहे,” असे पाटील यांनी स्पष्ट केले. लोकशाहीची होत असलेली मुस्कटदाबी रोखण्यासाठी त्यांनी पुढाकार घेतला.