येवता जिल्हा परिषद गटातून भगवंत अप्पा वायबसेंची निवडणुकीसाठी जोरदार तयारी

रिपब्लिकन पार्टी ऑफ इंडिया (आंबेडकर) चे मराठवाडा अध्यक्ष भगवंत अप्पा वायबसे येवता जिल्हा परिषद गटातून येवता सर्कलमधून मैदानात उतरण्याच्या तयारीत

केज/सचिन भालेराव

आगामी जिल्हा परिषद निवडणुकांच्या पार्श्वभूमीवर बीड जिल्ह्यात राजकीय हालचालींना वेग आला आहे. या निवडणुकीत रिपब्लिकन पार्टी ऑफ इंडिया (आंबेडकर) चे मराठवाडा अध्यक्ष भगवंत अप्पा वायबसे यांनी येवता जिल्हा परिषद गटातून येवता सर्कलमधून मैदानात उतरण्याची तयारी सुरू केली आहे.

वायबसे हे गेल्या अनेक वर्षांपासून सामाजिक, राजकीय आणि शैक्षणिक क्षेत्रात कार्यरत आहेत. डॉ. बाबासाहेब आंबेडकरांच्या विचारसरणीवर चालणारे नेतृत्व म्हणून त्यांनी मराठवाड्यात स्वतःची ओळख निर्माण केली आहे. वंचित, शेतकरी, मजूर आणि सर्वसामान्य जनतेच्या प्रश्नांवर त्यांनी सातत्याने लढा दिला आहे.

स्थानिक कार्यकर्त्यांच्या पाठिंब्यामुळे वायबसे यांचे उमेदवारीचे पाऊल प्रभावी ठरण्याची शक्यता आहे. रिपब्लिकन पार्टी ऑफ इंडिया (आंबेडकर) कडून जिल्हा परिषदेत मजबूत उमेदवार म्हणून त्यांच्याकडे पाहिले जात आहे.

भगवंत अप्पा वायबसे म्हणाले: “डॉ. बाबासाहेब आंबेडकरांच्या विचारांवर चालणारे शासन घडविण्यासाठी आम्ही जिल्हा परिषदेत उतरतो आहोत. समाजातील शेवटच्या घटकाचा आवाज बनणे हेच आमचे ध्येय आहे.”